Monday, February 18, 2008

無線又抄「橋」

剛剛播完新劇《最美麗的第七天》,睇到最尾,原來鄭嘉穎同周麗淇戲中好多情節,都是抄《擁抱這分鐘》。
1. 男主角拿錯女主角的飲品
2. 女主角有遺傳病
3. 女主角被搶劫,賊人用電單車逃走,女主角高叫搶劫並追趕,男主角在自己車中看到事件,當賊人正駛過時,男主角踢開車門攔截賊人。

無線抄「橋」真離譜,抄得仲要咁足,可否下次抄無人識或無咁出名的戲!

Monday, December 31, 2007

新一年新開始

新一年新開始呀!
回顧2007,變化很多,無論在人際關係、事業上都改變了.....有好有壞啦!
展望明年,是我一個新的開始,希望可以讀書,又可以有錢去旅行,但更希望一年後我可離開,到另一個地方去!!

朋友們,新年快樂!

Sunday, August 12, 2007

兩則笑話

與師姐在閒聊,她說了兩則笑話︰

那天掛八號風球,全港打工仔大多數都趕緊回家,同事女友都唔例外,她選擇乘地鐵,她形容當日的情況是︰一步出車廂就排隊。我一時間都唔明,兩秒後....捧腹大笑!!唔明?講第二個!

同事乘小巴,前面有一對母女,母親一路上數女兒的不是,叫她改這改那,說個不停,女兒低頭一直哦、哦、哦、母親繼續說,繼續說。突然,女兒面向母親說︰你個口好臭呀!

Friday, August 03, 2007

沉迷電視劇

花了一天的時間,在家裡看了《咖啡王子一號店》啦、《偷偷愛着你》啦、《貧窮貴公子》啦,果然日劇同韓劇才是我杯茶。
自從睇完《宮》後,就喜歡尹恩惠,所以好期待《咖啡王子一號店》,看畢後,嘩!正呀!
接着看睇《偷偷愛着你》同《貧窮貴公子》,《偷偷愛着你》.....演員的演繹無台灣的誇張,一切都來得很自然,加入的電腦效果恰到好處,故事同原著有點不同,不過無所謂!!
最後睇《貧窮貴公子》,二宮和也飾演山田太郎,同他一班弟妹齊齊發放笑蛋,令我想起看漫畫時的快樂!! (貓子,真的很好笑!!>v<)

Tuesday, July 03, 2007

淡定有錢剩

哈!我昨天唔見了錢包!其實應該是前日唔見!但昨天買早餐時才發現,好白痴!!以為在貨櫃中,點知......無!哈!同事問我是否開始有點怕?完全無。後來在保安室找到了,保安笑我咁大個銀包都跌得?!